Accessibility links

шимбә, 10 декабрь 2016, Казан вакыты 13:50

Yewropa Berlege Belarusqa çikläwlär kertü belän yanıy


Yewropa Berlege tışqı eşlär ministrları ägär dä Belarusta mart ayında ütäçäk president saylawlarında xärämläşülär bulsa Belarusqa qarşı çikläwlär kertergä äzer buluların belderä. Bügen Brüssel'dä iğlan itelgän belderüdä 25 ministr ägär dä Belarus saylaw protsessın xalıqara standardlarğa yaraşlı ütkärmäsä çaralar kürergä äzer buluı turında äytä. Berlekneñ tışqı mönäsäbätlär komissionerı Benita Ferrero-Waldner ul çaralar arasında viza çikläwläre häm iqtisadıy çikläwlär bula ala dide. Prezident Aleksandr Lukaşenko19-nçı martta öçençe möddätkä saylanırğa teli. Oppozitsion säyäsätçelär saylawlar aldınnan üzlärenä basımnıñ arta baruına zarlana. Oppozitsiä citäkçese Aleksandr Milinkeviç saylaw aldı köräşendä zur qarşılıqlarğa oçrawı turında belderde.

XS
SM
MD
LG