Accessibility links

шимбә, 3 декабрь 2016, Казан вакыты 10:00

Gruziägä İran gazı kilä başladı


Gruziä energiä ministrı Nika Gilawri İrannıñ soñğı 35 yılda berençe märtäbä Gruziägä tabiği gaz cibärä başlawın bik möhim adım dip xuplaw belderde. Azärbäycan çige yanında Gardabanida gaz torbası bigen açqanda Gilawri İran gazınıñ kilüe Gruziäneñ energiä çığanaqların inde törleländerüen kürsätä dide. "Bu Gruziäneñ energiä tarmağı öçen tarixi moment. Sez gaz tawışın işetäsez. Mondıy waqıyğanıñ moñarçı bulğanı yuq ide. Bez xäzer gaznı 3 ildän alabız. Rusiäneñ gaz tä'minätenä bäyle räweştä bez aldağı 10-15 yılda Azärbäycan aşa İran gazın alaçaqbız" dide Gilawri. 22-nçe Ğinwarda Rusiä gazın Gruziä belän Ärmänstanğa qudıruçı Mozdok-Tbilisi gazütkärgeçendäge şartlawlardan soñ energiä qıtlığınnan çığu öçen Gruziä İran gazın ala başladı. Azärbäycan da Gruziägä gaz cibärde. Gilawri äytüençä, bügen Rusiädän dä gaz yañadan kilä başlağan.

XS
SM
MD
LG