BMO General' sekretare Kofi Annan Äfğänstannıñ terrorçılar qulındağı il buludan tuıp kilüçe demokratiägä üzgärüen xuplap çığış yasadı. Londonda Äfğänstannıñ kiläçägenä bağışlanğan xalıqara konferensiädä çığış yasap Annan Äfğänstandağı tärräqiätne däwam itü öçen xalıqara yardämneñ däwam itüe zarur dide.
"Bu il tınıçlıqqa, demokratiägä häm barınnan da birgäk, här yünäleştäge tärräqiätkä tayanıç bulğan iminlekkä taba atlağanda aña yardäm itü böten xalıqara cämäğätçelekneñ mänfäğätlärenä turı kilä" dide Annan.
Elegräk AQŞ däwlät sekretare Condoleezza Rice AQŞ kiläse yılda Äfğänstanğa 1.1 milliard dollar birergä cıyına dip beldergän ide. Ğädättä AQŞnıñ iqtisadıy yardäm eşläre finans yılı başında, 1-nçe üktäberdä başlana. Britaniä premyer ministrı Tony Blair konferensiäne açu çığışında Äfğänstanda äle dä zur qurqınıçlar, şul isäptän terrrçılıq qurqınıç qala birä dide. 2 könlek konerensiädä aldağı 5 yılda Äfğänstanda iqtisadıy täräqiät, iminlekne arttıru, korupsiägä, narkotiklar citeşterügä qarşı köräş yünäleşläre bilgelänä.
