Accessibility links

шимбә, 10 декабрь 2016, Казан вакыты 08:14

Hamas könbatışnıñ taläplären ğädel tügel dip kire qağa


Hamas suğışçan törkeme Fälestinlelärgä xalıqara yardämne tuqtatu turındağı şantajğa birelmäyäçäkbez dip belderde. Hamas Fälestin cirlärendä xakimiätkä kilgännän soñ İzrail'ne tanu häm qoralsızlanu taläplären kire qaqtı. Hamas wäkile Sami äbü Zuhri Azatlıq radiosına interviewda xalıqara cämäğätçelekneñ bu taläpläre ğädel tügel dide. "Könbatışnıñ pozitsiäse fälestinlelärgä qarata fäğädelsezlek häm despotizm, İzrail' okupatsiäsenä qarata yaqlaw pozitsiäse. Bezneñ xalqıbız barı tik demokratiäne uñışlı qullanğan öçen genä cäzalana. Şuña kürä bez Könbatış cämğiätlären üz pozitsiäläre häm qararları turında tağın ber märtäbä uylarğa çaqırabız" dide äbü Zuhri. Törkemneñ sörgendäge citäkçelege wäkile Usama Hamdan Associated Press agentlığına Hamas başqa finans çığanaqları ezli dide. Törle illärneñ citäkçeläre Hamasnı köç qullanudan baş tartırğa, İzrail'ne häm yul xaritası dip atalğan tınıçlıq protsessın tanırğa çaqırğan ide. Hamas süzçese Sami Äbü Zuhri İzrail' okupatsiäsen beterü taläp itelergä tieş dip bu taläplärne kire qaqtı. Hamasnıñ nizamnamäse İzrail'ne cimerergä çaqıra. İzrail' waqıtında, 1-nçe fevral'dä tamojnya tüläwlären Fälestin idaräsenä küçererme-yuqmı bilgesez. Fälestinlelärgä xezmät xaqlarınıñ zur öleşen şul aqça täşkil itä.

XS
SM
MD
LG