Accessibility links

пәнҗешәмбе, 8 декабрь 2016, Казан вакыты 09:03

Balet yoldızı Ninel Yultıyıva


Mädäniät häm sänğät yılında böyeklärebezneñ yubileyları ütä. Ninel' Yultıyıwa legendar tatar balerinası. Anıñ iseme klassik şedevrlar, milli sänğät belän bäyle. Ä pedagogik eşçänlek belän Ninel' xanım ğömere buyı şöğellänä. 2 fevral'dä tatarnıñ balet yoldızı üzeneñ 80 yäşlegen qarşı ala. Söykemle, därtle, köçle ruxlı qalıp qarşı ala ul yubileen.

Anıñ artist kar'yerası Qazanda Näcip Cihanov baletında “Zöhrä” rolennän başlanğan. Bik uñışlı çığışınnan soñ Ninel' Yultıyıwa Musa Cälil isemendäge opera häm balet teatrı säxnäsendä tağın bik küp aldınğı rol'lärne başqarğan. Şul isäptä – “Baxçisaray fontanı” baletında Jizel', “Şüräle”dä Söyembikä, “Kisekbaş” baletında Zifa rol'läre häm başqalar. Anıñ iseme Rusiädä genä tügel, ä çit illärdä dä tatar xalqınıñ kürenekle balerina ostası häm balet äsärlären quyuçı bularaq bilgele.

Ninel' Yultıyıwa Qazanda balet sänğätenä nigez salğan keşe.Üz tormışı turında ul menä närsälär söyläde

Waqıt şul qädär tiz ütä ikän! Waqıt citmi! Miña bik küp eşlärne başlarğa turı kilde. Bigräk tä Tatarstanda. Monda min böten klassikanı biedem. Üzebezdä uçilişçe bulmağaç, bäläkäy balalarnı cıyıp, alarnı Piterğa ilttem. Ul balalar uqıp betergäç, alarnı zur säxnägä kerttem. Annarı üzem Piterğa uqırğa kittem.

Qazanda Ninel' xanım mädäniät häm sänğät institutında xoreografiä bülegen, ä annarı uçilişçe açıp cibärgän.

72nçe yılda açarğa äyttelär institutta xoreografiä bülegen. Min balet buyınça berdänber yuğarı belemle keşe bularaq şuşı eşkä alındım inde. Teatrda da eşlädem, institutta xoreografiä bülegen dä açıp yöredem şulay itep.

Kürenekle yazuçı, cämäğät eşleklese Daut Yultıy qızı Ninel' Yultıyıwa tumışı belän Orenbur ölkäsennän. Äti, änise repressiä qorbannarı, Ninel' üze bik awır tormış yulın ütkän şäxes. Ğäziz äni-ätisen iskä alıp ul bik qızıqlı oçraşu turında söyläde. Bu Daut Yultıy häm Musa Cälilneñ berençe oçraşuı ide

Ätiem ul waqıtta “Qızıl yoldız” gäziteneñ baş möxärrire ide. Anıñ yanına keçkenä malay kilä. Şiğerlären dä alıp kilä. Ätiem keçkenä musanı urındıqqa bastırıp şuşı şiğerlärne uqıta. Häm böyek şağirneñ berençe icat cimeşlären üz gäzitendä bastıra.

Legendar şäxes Ninel' Yultıyıwanıñ yubiley 28 fevral'dä Musa Cälil isemendäge opera häm balet teatrında uzaçaq.

Al'bina Zäynulla

XS
SM
MD
LG