Accessibility links

якшәмбе, 11 декабрь 2016, Казан вакыты 07:26

Bush, uñışsızlıqlarğa qaramastan, tışqı säyäsäten däwam itteräçäk


AQŞ prezidentı G.Bush sişämbe könne Kongressnıñ urtaq utırışında ilneñ wazğiäte turında yıllıq çığışın yasadı.İlbaşı çığışında aktiv tışqı säyäsäten däwam itäçägen belderde. Bushnıñ alıp barğan tışqı säyäsätneñ qayber aspektları säbäple amerikannnar arasında anı yaqlaw kimede. Läkin Prezident izolatsionizm häm protektionizm cälep itüçe bulıp kürensä dä, ul sonğı çiktä töşenkelek häm qurqınıç belän tämamlana ala dip äytte.

G.Bush çığışı waqıtında prezidentlıq möddäteneñ qalğan sonğı 3 yılında xalıqara terror Ğıraq suğışına şulayuq dönyada demokratiäne cäyelderü tırışlıqlarına däwam itäçägen belderde.G.Bush

Barlıq doşman häm duslarıbız belsennnär ki,AQŞları dänyadan çigenmiäçäk häm ber qayçan da ibliskä birelmiäçäk.

Ul izolatsionizmnıñ yalğan räxätleklären kire qaqtı.Alıp barğan tışqı säyäsät häm 5 ay elek bulıp alğan Katrina afätenä qarata administratsiäneñ sülpän mönäsäbäte säbäple 2005. yıl Bush öçen ber dä yaxşı yıl bulmadı. Fiker beleşülär anıñ reytingınıñ sonğı ike ayda 40% tiräsendä buluın kürsätä. Annan başqa Bushnıñ ber yıldan birle dönyada demokratiäne cäyelderü öçen alıp barğan tırışlıq -bigräk tä yaqın könçığışta Washington telämägän näticälärgä kiterde. Ütkän atnada İzraelne yuq itü mäqsatın quyğan Hamas oyışması Fälästin saylawlarında bik zur uñışqa ireşte. Bush çığışında elek äytkänne qabatlap İzraelneñ yäşäw xoquqın tanığançı Hamas belän eş itmiäçäkbez dide.

Bushnıñ kiçäge notığında zur yaña plannnar turında süz bulmadı.Anıñ iğlan itkän inisiativalar bik tıynaq häm eçke eşlärgä qarıy Misal öçen pensiä, meditsina yardäme , mäktäplärdä fän häm matematikağa kübräk ähämiät birü, alternativ energiä çığanaqları öçen kübräk tikşerülär ütkärü.Bush Amerikanın, dönya iqtisadında yarışçanlığın saqlap qaluı öçen, import itelgän, yışqına dönyanıñ totrıqsız urınınnan satıp alınğan neft bäylelegennän qotılu waqıtı citkän dide.Ul alternativ energiä çığanaqları şulsanda neftkä almaşqa etanol östendä kiñ külämle tikşerülär ütkärergä çaqırdı .Häm prezident 2025nçe yılda yaqın könçığıştan import itelgän neftneñ 75%ın ethanol belän qaplau bezneñ mäqsat bulıp tora dip söyläde

G.Bush ber waqıtlarnı '' zolım quçarınıñ ber öleşe'' dip atağan İranğa da tuqtaldı. Atom tikşerüläre alıp bara başlağan İran atom qoralı eşläw mäqsatın quya dip borçılğan Yevropa häm AQŞ anı BMO İminlek şurasına tapşırırğa äzerlänä. Bush İrannıñ andıy arsenalı buluına röxsät itelmäskä tieş äytep , bolay dip däwam itte:

Bu kiçne turıdan turı İran watandaşlarına möräcäğät itergä röxsät itegez. Amerika sezgä ilegezgä xörmät belän qarıy.Bez sezneñ üz kiläçägegezne saylaw hem iregegezne qazanuğa xärmät itäbez.Bez könnärneñ bersendä irekle häm demokratik İran belän in yaqın dus bulunı ömed itäbez.

G.Bush xalıqara terror, Äfganstanda Taliban, Ğıraqta al Qaidağa qarşı köräş däwam itäçäk dip söyläde.New York Courtlandta Däwlät Universitetında säyäsi fännär professorı Robert Spitzer süzlärençä, terrorğa qarşı iminlek mäsäläsen Bush üze häm Respublikannar Partiäse belän bäyli Amerikannar Ğıraq suğışın yaqlamasalar da Bush häm Respublikannarnıñ iminlek mäsäläsenä birgän ähämiätkä yuğarı bäyä birä. Bu möhim çönki noyäber ayında Senatnıñ öçtän ber öleşe häm Wäkillär Palatasındağı 435urınğa saylawlar ütäçäk.

Respublikannar här ike urında da äle bik az östenlekkä iä.Ämma ğomumän prezident partiäse bu saylawlarda uñışlı bula almıy, çönki ilbaşı yañadan saylawlarğa qatnaşa almıy.Spitzer, Bush üze häm partiäseneñ terrorğa qarşı köräşen azsızıqlap ul Respublikannarnıñ Kongresstağı xälen yaxşırtırğa tırışa di. Qayber küzätüçelär Bush ilneñ wazğiäte turındağı çığışında tışqı säyäsätkä qağılmas dip kötkän ide. Çönki amerikannarnıñ zur öleşe añıñ tışqı säyäsäten yaqlamıy. Yäğni Ğıraq Hamasnıñ ciñep çığuı kebek eşlär.. Läkin Spitzer Bush bu mäsälälärgä tuqtalmasa ide, xatanı qabul itü bulır ide dide färidä xämit
XS
SM
MD
LG