Accessibility links

Кайнар хәбәр

Abbas Hamastan İzrailne tanunı taläp itäçäk


Mısır räsmie äytüençä, Fälestin prezidentı Mäxmüt Ğabbas saylawlarda ciñep çıqqan Hamas suğışçan törkemennän barı tik Hamas köç qullanudan baş tartıp İzrail'ne tanığan oçraqta ğına xökümät tözüne sorıyaçaq. Mısır küzläw xezmäte başlığı Ğömär Söläyman monı Qahirädä Ğabbas häm başqa Mısır räsmiläre belän oçraşudan soñ belderde. 3-nçe fevral'dä Hamas belän yaña xökümät tözü turında söyläşü ütkärer dip kötelgän Gabbas älegä bu turıda räsmi räweştä berni dä äytmäde. Ğabbas Mısır prezidentı Xösni Möbäräk belän dä oçraştı. İzrail' däwläten tanudan baş tartuçı Hamas uzğan atnadağı parlament saylawlarında zur ciñügä ireşte. Ämma ul üzeneñ nizamnamäsen üzgärtergä cıyınmıy. Xalıqara tınıçlıq protsessındağı töp köçlär şul isäptän AQŞ belän Yewropa Berlege, Hamas köç qullanudan baş tartıp İzrail däwläteneñ yäşäw xoquqın tanımağan oçraqta, Fälestin xakimiätenä finans yardämen tuqtatu belän yanıy.
XS
SM
MD
LG