Accessibility links

сишәмбе, 6 декабрь 2016, Казан вакыты 04:02

Könyaq Osetiä yanında maşinalar bäreleşü Mäskäw-Tiflis mönäsäbätlärendä kierenkelekne arttırdı


Könyaq Osetiä yanında Rusiä tınıçlıq saqçıları belän Gruziä xärbiläre arasında bulğan xäl Mäskäw belän Tiflis arasındağı kierenkelekne tağın da arttırdı. Xäbärlärgä qarağanda, kiçä kiç Rusiä tınıçlıq saqçıları maşinası Tsxinvali yanında cirle görci maşinasına bärelgän. Gruziä politsiäse tınıçlıq saqçılar maşinasın üz qullarına ala başlağaç berniçä säğätkä suzılğan qarşılıq kilep tuğan. Bügen Gruziä saqlanu ministrı İrakli Okruaşvili Rusiä tınıçlıq saqçılarınıñ ul töbäktä yörü röxsäte bulmağan dip alarnıñ ğämälen ğäyepläp çıqtı. Ministr qulğa alınğan maşina barı tik räsmi ğafu ütenüdän soñ ğına qaytarılaçaq dide. Rusiä tınıçlıq saqçıları başlığı Marat Qoläxmätov Gruziä maşinalar bäreleşüdän soñ töbäkkä xärbi bülek kiterüe belän solıx kileşüe şartların bozdı dide. Bügen Gruziä prezidentı Mixail Saakaşvili bu xäl turında Gruziä üz mänfäğätlären yaqlıyaçaq, ämma üz mänfäğätlärenä zıyan kiterergä mömkin härtörle radikal çaralardan tıyılıp qalaçaq dide.

XS
SM
MD
LG