Accessibility links

якшәмбе, 4 декабрь 2016, Казан вакыты 09:05

Äl-Baraday İrannı xalıqara ışanıç buldıru öçen aşığıç çaralar kürergä çaqıra


BMOnıñ Xalıqara Atom Energiä İdaräse başlığı Möxämmät äl-Baraday İran äle dä üzeneñ bäxäsle atom programması mäs'äläsendä xalıqara cämäğätçelekneñ ışanıçın yawlıy ala dip belderde. "Bu çetrekle çor ämma hiç tä krisiz xäle tügel. Bu ışanıç buldıru mäs'äläse, İranğa ışanıç buldıru öçen aşığıç adımnar yasar çaq. Ämma yaqınlaşıp kilüçe qurqınıç yuq" dide äl-Baraday. Äl-Baraday İrannıñ uzğan ayda çiklängän däräcädä uran bayıtunı yañartuı xalıqara ışanıçnı torğızuğa xezmät itmi dip östäde. Bügen ul Vienada Atom Energiä İdaräse Şurasınıñ İran mäs'äläsen BMO İminlek Şurasına tapşıru turındağı utırışında çığış yasadı. İdarä süzçese äytüençä şurada bu mäs'älä bügen tawışqa quyılır dip kötelmi. Utırış comğa könne däwam itäçäk. Tähranda İran prezidentı Mäxmüt Äxmädinicat atom programması säbäple İrannıñ xalıqara izolyatsiägä duçar bulu mömkinlege turındağı kisätülärne kire qaqtı.

XS
SM
MD
LG