Accessibility links

чәршәмбе, 7 декабрь 2016, Казан вакыты 15:35

Fälestin İdaräse İzrail'ne kümäk cäzalaw qullanuda ğäyepli


Aqçağa qıtlıq kiçerüçe Fälestin İdaräse İzrail' xökümäte distälärçä million dollar salım aqçaların fälestinlelärgä tapşırudan baş tartqannan soñ İzrail'ne kümäk cäzalaw qullanuda ğäyepli. İzrial monı 25-nçe ğinwardağı parlament saylawlarında suğışçan Hamas törkemeneñ ciñep çığuına protest belderü öçen eşläde. İzrail'gä qarşı küptännän köç qullanıp kilgän Hamasn İzrail'ne yuq itü maqsatında qala. Associated Press xäbär agentlığı ber yuğarı fälestin räsmieneñ büdjet qıtlığı säbäple Fälestin İdaräse 140 meñläp büdjet xezmätkärenä ğinwar ayı xezmät xaqların tüläwne kimendä 2 atnağa kiçekteräçäk digän süzlären kiterä. Ämma citäkçelektän kitüçe premyer ministr Äxmät Quray xezmätkärlärgä tüläw öçen başqa finans çığanaqları tabarğa ömetlänüe turında belderde. Ul Fälestin İdaräse Söğüd Ğärabstanı häm Qatar belän elemtägä kerde dide. AQŞ Däwlät Departamentı, kimendä xakimiät Hamasqa küçkänçegä qädär İzrail'ne Fälestin İdaräsenä tieşle aqçalarnı küçerergä çaqırdı.

XS
SM
MD
LG