Accessibility links

Кайнар хәбәр

Säddamnı xökem itüçe mäxkamä eşendä 13 fevralgä qädär tänäfes iğlan itelde


Ğiraqnıñ xakimiättän töşerelgän elekke prezidentı Säddam Xösäinne xökem itüçe mäxkamä utırışında bügen tağın 2 şahit tıñlandı. Ämma mäxkamä bülmäsendä Säddam üze dä anıñ belän bergä xökem itelüçe 7 ğäyeplänüçe dä bulmadı. Säddam, häm ğäyeplänüçelärneñ küpçelege, şulay uq alarnıñ advokatlar törkeme tulısınça 29-nçı ğinwardan birle mäxkamä eşendä boykot belderep kilä. Bügen başxäkim Räüf Ğäbderaxman mäxkamä binasınnan cittä xaosqa säbäp bulasız dip qalğan 3 ğäyeplänüçene dä utırışqa kertmäde. Advokatlar törkeme Ğabdraxman ğäyeplänüçelärgä qarşı pozitsiädä dip ul bu eşne qarawdan çitläşterelgänçegä qädär mäxkamä eşendä qatnaşmayaçaqların belderde. Bügen Säddamnıñ baş advokatı 2 prokurornı da wazıyfalarınnan kitärgä çaqırdı. Bügen 2 şahitne tıñlawdan soñ Mäxkamä eşendä 13-nçe fevral'dä qädär tänäfes iğlan itelde. Säddam häm anıñ ölkän yardämçeläre keşeleklelekkä qarşı cinayätlärdä, şul isäptän küpläp keşe üterüdä ğäyeplänä.
XS
SM
MD
LG