Accessibility links

якшәмбе, 4 декабрь 2016, Казан вакыты 04:54

Rusiä belän Ukraina arasında urtaq gaz şirkäte tözü söyläşüläre tämamlandı


Ukraina premyer ministrı Yuriy Yexanurov Ukrainanı Rusiädän häm Üzäk Aziädän tabiği gaz belän tä'min itüçe urtaq şirkät tözü turında söyläşülär tämamlandı dide. Anıñ äytüençä, kileşü bügen iğlan iteler dip kötelä. Ukrainanıñ Naftogaz şirkäte belän Rusiäneñ Gazprom monopoliäse Ukraina belän Rusiä arasında gaz bäyäläre turındağı bäxäskä noqta quyğan 4-nçı ğinwardağı kileşü nigezendä urtaq şirkät tözergä cıyına. Rusiä häm Ukraina räsmiläre şirkät tözü kileşüen tämamlaw öçen 2 könlek söyläşülär ütkärde. Urtaq şirkätne Ukrainanıñ Naftogazı, häm Şwetsariädä terkälgän, Gazprom belän yäşeren investorlar törkeme qaramağındağı RosUkrEnergo şirkäte tözi. RosUkrEnergo xucalarınıñ külägädä buluı säbäple bu kileşü Ukrainada tänqitkä duçar buldı.

XS
SM
MD
LG