Accessibility links

шимбә, 10 декабрь 2016, Казан вакыты 23:40

Putin: xärbi politsiä buldıru armiädäge ezärlekläwlärne kimetä ala


Rusiäneñ xärbi mäktäbendä 19 yäşlek Andrey Sıçevnıñ qıynalıp , ayaq häm cinese äğzalarınıñ kiselüe cämäğätçelektä zur şau-şuğa säbäp buldı häm xärbi politsiä buldıru turında söyläşülär başlanıp kitte

Rusiä prezidentı V.Putin düşämbe könne kabinet cıyılışında Çiläbedä tank akademiäsendä bulğan qotoçıqıç xäl turında bolay dip äytkän ide:

Min saqlanu ministrılığınnnan Baş prokuror ofisınıñ şuşı cinayätne tulısınça tikşerüe öçen barlıq yardämne kürsätergä soradım. İkençedän min saqlanu ministırınnan armiädä häm xärbi dingez köçlärendä tärbiä eşlären yaxşırtuı öçen legal häm oyıştıru täqdimnäe yasauın soradım

31. ğıynuarda Kremlneñ yıllıq mätbuğat oçraşuında Rusiä prezidentı Vladimir Putin xärbi politsiä oyıştırırğa çaqırdı häm armiädä qanunnıñ ütälüen kontrol itü nığıtılırğa tieş dip äytte.

31.nçe ğıynuarda saqlanu ministrı Sergei İvanov ta jurnalistlar aldında çığış yasap , xärbi politsiädän ayrım , xärbilärgä qıynau ,ezärlekläw eşeneñ qurqınıçları turında mäğlümät birergä kiräk , andıy eşlärgä qatnaşqan yäki şundıy insidentlarnı yäşerüçelärgä awır cazalar bireläçäk dip söyläde

Xärbi politsiä buldıru ideası yaña tügel 2005nçe yılnıñ iyülendä Rusiädä keşe xoquqları öçen Ombudsman Vladimir Lukin qorallı köçlärdäge yawızlanu turında mäxsus xisabın Rosiskaya gazetada basıtırğan ide. Lukin xisabta xoquq bozularnı buldırmas öçen çaralar şulsanda xärbi politsiä buldıru turında söyli.

Lukin andıy oyışma xärbi oyışmalarnı tikşerergä, xärbi disiplinanı küzätergä, xärbi cinayätlärne tikşerergä tieş, ämma xärbi politsiä xärbilär qaramağında tügel ä däwlät budjetı tarafınnan finansiälängän mäxsus oyışma bulırğa tieş digän ide. Saqlanu ministırlığı Lukin kiñäşlärenä uñay cawap birde ämma ber närsä dä eşlämäde.

İvanov armiä berlekläreneñ 80%da ber nindi dä ezärlekläw , qıynawlar yuq dip belderde. Sıçıv Çiläbedä yaña yıl kiçendä waxşilärçä qıynaldı. Şulay itep ul sonğı distä yılda qıynau , ezärlekläw insidentlarınıñ ozın isemlegendä sonğısı bulıp tora. Saqlanu ministırına qarağanda ütkän yılda 16 soldat üterelgän. Räsmi sannar armiädä 2005nçe yılda 276 soldatnıñ intihar itkänen kürsätä. Suğış qırında bulmağan ülemnär sanı 857

Ämma dä läkin xoquq yaqlaw aktivistları qaraşınça intihar häm qazalar qıynap, ezärlekläp üterelgännär öçen qullanılğan başqa ber süz genä. 26.ğıynuarda Ekho Moskwı gazetası Soldat Anaları Komitetı citäkçse Valentina Melnikovağa tayanıp armiädä köç qullanu arta bara dip yazıp çıqtı. Melnikova süzlärençä yıl sayın meñnnärçä soldat deserterlıq itä, 50meñ çaması soldat häm alarnıñ ata anası yardäm sorap bezneñ oyışmağa möräcäğät itä .

Melnikova xärbi politsiä yardäm itär dip ışanmıy . Regnum.ru häm gazeta .ru xabärlärenä qarağanda Melnikova andıy oyışma xärbi prokur ofisı başlatqan tikşerülärne totqarlıy ala digän. Melnikova saqlanu ministırı İvanovnı çigenergä çaqıra. Ul bu tragediä öçen cawaplılar ğına tügel ämma generallär häm saqlanu ministırlığı citäkçelege cazalanırğa tieş dip söyli

Xärbi politsiä könbatışnıñ küp kenä illärendä yaxşı eşläp kilä.Ämma bu ğına Rusiä armiäsendäge yawızlanunı tuqtatırğa yardäm itär dip ışanu qıyın. Kiñ qolaçlı reformalar ütkärü şulsanda profesional armiä buldıru häm armiäne sivillär kontrol itkän xäldä genä xärbi politsiäneñ faydası bulır färidä xämit
XS
SM
MD
LG