Accessibility links

якшәмбе, 11 декабрь 2016, Казан вакыты 07:21

Tömänlelär “Yaña Ğasır” televideniäsen qarap tatar telen öyränä


Tömändä yäşäwçe tatar xalqı ber-berse belän oçraşqan waqıtta tizräk şatlığın äytep qalırğa tırışa. “Sez TNV nı qarıysızmı?” digän ğibäräneñ reytingı “Ni eşlär beteräseñ?” däräcäsenä kütärelde. Qayberäwlärne “Tatarstan yaña ğasır” tapşıruları tatar telenä öyrätä. Onıtqannarın isenä töşerä, belmägänne belderä. Şundıylarnıñ berse Näsimä apa Zıykova. Ul: “İke atna inde televizor yanınnan kitmim”,- di.

-Bez “Komintel”ğa Qazan tapşıruları quşılğan ikän digänne işetügä üzebez ezläp taptıq. Bezneñ fatirdağı 3 bülmädä 3 televizor. Köne buyı, kiç buyı “TNV” nı ğına qarıybız. Yaña küp süzlär öyrändem. Mäs'älän, “İke täkäneñ başı ber qazanğa sıymıy”. Min ul programmanıñ matur telläre, çığışları belän küp yıllar seber tatarlarına xezmät itüen telim,- di Näsimä Zıykova.

“Komintel” Yabıq Aksionerlıq Cämğiäte kabel'le televideniesen älegä Tömän şähärneñ üzägenä tügel, ä biek yortlı “yoqı bistälärenä” (spal'nıy rayonnarğa) suza. 100 dän artıq kanal eçendä “Tatarstan Yaña Ğasır” da bar. “Komintel” şirkäte wäkile Denis Nefidov süzlärençä, alar kileşü tözegän barlıq kanallarnıñ da reytingın tikşerep, qaralmağannarın töşerep qaldırıp, alar urınına başqa kanallarnı totaştıralar ikän. “Ämma bu qurqınıç TNV ğa qağılmıy, xalıq räxätlänep qarıy”,- dide Nefidov.

Tömän şähäreneñ Votutina öleşendä toruçı Rawil Gıylfanov: “Qazannı qaraw öçen yılına ike meñ sum aqçabıznı jälläp tormıybız”- di.

-Küp töbäklärne kürsätälär. Tömändä tatarlar küp yäşi bit. Monda da korrespondent üzäge açılsa yaxşı bulır ide. Änä xätta Berlin belän dä elemtä buldı,- di äñgämädäşem.

“Tömänneñ üzendä efirğa çığa torğan tatar telendäge tapşırularnıñ kiräge qalmıy meni?”,- digän sorawğa Rawil äfände:

-Üzebezneke dä kiräk. Mondagılarnıqında üzebezneñ tormış, üzebezneñ mäğlümat kübräk,- dide.

Soñğı can isäbe alu näticäläre buyınça Tömändäge 564 meñnän artıq xalıqnıñ 6,1 % tatarlar. “Komintel” şirkäteneñ kabel'läre Tömän şähärendä yaqınça 100 meñ ğailägä totaşqan. Yaqınça TNV nı bügenge köngä 6 meñläp millättäş kürä ala digän süz. “Komintel”lılar äytüençä, maqsatları: Tömändäge böten yortlarnı üz çeltärlärenä totaştıru.

Nail Alan. Tömän.

XS
SM
MD
LG