Accessibility links

шимбә, 10 декабрь 2016, Казан вакыты 04:11

Putin armiädä köç qullanuğa çik quyarğa çaqıra


Rusiä prezidentı Vladimir Putin armiädäge tärtipsezleklärgä häm köç qullanularğa, şulay uq alarnı yäşerü tırışlıqlarına çik quyarğa kiräk dide. "Xärbilärneñ şäxes xoquqlarına häm alarğa sotsial garantiälärgä iğtibarnı nıq arttırırğa kiräk. Ğäskärlärdä härber köç qullanu häm nizamnamäne bozu oçrağına, şulay uq xärbi citäkçelärneñ alarnı yäşerü tırışlıqlarına iñ qatı cawap bulırğa tieş" dide Putin. Putin intellektual' milek xoquqların nığraq saqlarğa häm cinayätçelärgä qarşı qatıraq çaralar kürergä çaqırdı. Prokurorlar belän oçraşuda ul Rusiädä satılğan fil'mnarnıñ 70, komputer programmalarınıñ 90 protsetnı urlanğan dide. Ul şulay uq yalğan darular satu il xalqına nıq tä'sir itä dide. Putin xoquq saqlaw oyışmaları yıl sayın 70 meñläp keşeneñ yuğaluına qarşı çaralar kürä almıy dip belderde. Anıñ äytüençä bıltır ğına da 5 meñnän artıq üterüçe irektä qalğan.

XS
SM
MD
LG