Accessibility links

шимбә, 3 декабрь 2016, Казан вакыты 22:51

Sverdlovski ölkäse Cälilneñ 100 yıllığına äzerlänä


Sverdlovski ölkäse xökümäte räise Aleksey Vorobyev patriot-şağir Musa Cälilneñ tuuına 100 yıl tulu könen bilgeläp ütü turındağı qararğa qul quyğannan soñ, cirle üzidarä başlıqları urınnarda bu waqiğağa bağışlanğan çaralar uzdıru buyınça eş başlap cibärdelär. Bigräk tä ölkäneñ tatarlar tuplanıp yäşägän töbäklärendä bu eş kiñ qolaç aldı.

Fevral başınnan uq awıl klublarında häm mäktäplärdä Cälil uquları uzdıru, anıñ şiğerlären uqu buyınça häm ul yazğan süzlärgä yazılğan cırlarnı cırlaw buyınça bäygelär oyıştırırğa qarar qılındı. Tübän Sırğa rayonı Ufa Şiğere awılındağı äzerleklär turında tatar tele uqıtuçısı Räfisä xanım İsmagzamova bolay dip söyläde.

–“Bez bu bäyrämne böten awıl belän bilgeläp ütärgä cıyınabız. Balalar da, olılar da ädäbi-muzıykal'' kompozitsiädä qatnaşaçaq, kitapxanälärdän berär spektakl'' tapsaq, spektakl''dän özek äzerlärgä uylıybız”.

1 mart könne Mixaylovski şähäre mädäniät sarayında Musa Cälilgä bağışlanğan zur yomğaqlaw kiçäse uzdırılaçaq. Kiçädä bäygelärdä ciñüçelär çığış yasayaçaq, Sverdlovski ölkäse millätara kitapxanäse oyıştırğan ayırım programma buyınça qäderle qunaq – Qazannan kiläçäk Rafail äfände Mostafin belän oçraşu uzdırılaçaq, annan soñ Yekaterinburg şähäre tatar cırı ostaları tarafınnan zur konsert quyıluı kötelä.

XS
SM
MD
LG