Mısırda Safağa diñgez portında Qızıl diñgezdä batqannarnıñ tuğannarı häm polisiä arasında bäreleşlär buldı. Tuğannarı turında häm köymäneñ batu säbäpläre turında ber nindi dä xäbär ala almağan keşelär polisiägä taşlar attı. 1400 yulçısı bulğan 36 yıllıq köymä comğa, 3nçe fivral könne battı. Diñgezçelär, 378 keşe qotqarılğan dip xäbär itä, qalğannarı häläk bulğan dip farazlana. İsän qaluçılar birgän mäğlümatlärgä qarağanda, alar Söğüd Ğäräpstannan çıqqaç köymädä yanğın başlanğan, diñgezçelär yulçılarnıñ köymäneñ ber öleşenä cıyıp üzläre berniçä säğät buyına yanğınnı sünderergä tırışqan. Mısır prezidentı Hösni Möbäräk bu xälne tikşerergä färman birde. İsän qaluçılarnı ezläw däwam itä.
