Accessibility links

чәршәмбе, 7 декабрь 2016, Казан вакыты 21:31

Münxenda iminlek cıyını däwam itte


Bügen biredä yuğarı däräcädäge xalıqara iminlek mäsälälärenä bağışlanğan cıyın bara. Konferensiäneñ köntärtiben şulay uq İran tiräsendäge kierenkelek biläp tordı. Germaniä kanslerı Angela Merkel, İran üzeneñ atom programması belän "bilgele ber çikne uzdı", Tähran atom qoralı yasamasqa tieş, dip belderde:

"Bez İrannı atom qoralın citşterüdän tuqtatırğa telibez häm tieşbez. İrannıñ atom programması tınıç maqsatlar öçen genä tügelm xärbi maqsatlar öçen bulğanı añlaşıla. İran tupas räweştä qızıl çikne uzdı, häm İran prezidentınıñ kiräkmägän provokasiäläre bezgä çaralar kürü kiräklegen kürsätä."

Merkeldan soñ çığış yasağan AQŞ saqlanu ministrı Donald Rumsfeld, dönyağa "atom İranı" kiräk tügel, dip belderde. Rumsfeld Tährannı, anıñ süzlärençä, terrornı yaqlawçı il bulğanı öçen kisken täñqitläde. Amerikan saqlanu ministrı iminlek konferensiäsenä cıyıluçılarğa, NATOnıñ global terrorğa qarşı köräşkä häm başqa xalıqara mäsälälärgä qatnaşu ixtimalı turında söyläde.

XS
SM
MD
LG