Accessibility links

шимбә, 3 декабрь 2016, Казан вакыты 12:42

Dimäşktä Daniä ilçelege yandırıldı


Dönyanıñ iñ zur islam ile İndoneziä prezidentı Susilo Bambang Yudhoyono, Möxämmät päyğämbärne kimsetkän räsemnärne bastıru – cir şarındağı böten möselmannarnı mısqıl itü bulıp tora, dip belderde. Daniäneñ ber basması bu räsemnärne sintäber ayında bastırğan ide, düşämbe könne basma monıñ öçen ğafu ütende. Möselman dönyasında şuşı räsemnärneñ Yevropanıñ başqa illärendä basıluına protest belderü däwam itä. BMO general sekretare Kofi Annan comğa könne möselmannarğa Daniä basmasınıñ ğafu ütenüen qabul itergä çaqırıp möräcäğät itte. Äle genä kilgän xäbärlärgä qarağanda, Möxämmät päyğämbär sürätlängän karrikaturlarğa protest belderüçelär Süriä başqalası Dämäşktä Daniä ilçelege urnaşqan binağa ut törtkän. Ber binada şulay uq Şvesiä häm Çili ilçelekläre dä urnaşqan bulğan. İran prezidentı Mähmüd Ähmädinecad, räsmi İSNA mäğlümat agentlığına, räsemnärne bastırğan barlıq Yevropa illäre belän İran arasındağı iqtisadi kileşülärne özü turında färman birelgänen xäbär itte.

XS
SM
MD
LG