Accessibility links

пәнҗешәмбе, 8 декабрь 2016, Казан вакыты 08:58

Möxämmät Päyğämbärne mısqıllawğa qarşı protest çaraları däwam itä


Bäyrüt -- Möselman dönyasında Yewropa gäzitlärendä Möxämmät päyğämbärne mısqıllağan räsemnär bastıruğa qarşı protest çaraları däwam itä. Bügen Livan başqalası Bäyrüttä protest belderüçelär Daniä diplomatları yäşägän binağa ut törtte. Livan politsiäse alarnı bunağa ütkärmäs öçen, hawağa ut açtı, su atuçı qoral qullandı. Demonstrantlar politsiägä taş attı, berniçä maşinağa ut törtte, yarsulı şiğärlär qıçqırıp şähärneñ xristiannar yäşägän öleşennän ütte. Çualışlar waqıtında 18 keşe cäräxätlängän.

Şimbä könne Süriä başqalası Dämäşqta protest belderüçelär Daniä häm Norwegiä ilçeleklärenä ut törtte. Süriäneñ baş möftie Şäyx Äxmät Bädretdin Xäsän bu köç qullanularğa ükeneç belderde.

İslam Konferensiäse Oyışması citäkçese Ekmaletdin İhsanoğlı mondıy höcümnär İslamnıñ abryına zıyan kiterä dide.

XS
SM
MD
LG