Aleksey Mixeyev mäsäläse 1998-nçe yılda tuğan şähäre Tübän Novgortta qulğa alınuı belän başlanıp kitte. Ul yulda aftomobilenä alğan xatın-qız yuğalğaç qulğa alındı. Mixeyevneñ süzlärençä, militsionerlar anı ul xatınnı köçlävdä häm üterüdä ğäyepläp cinayäten iqrar itsen öçen eletr cıbıqları häm eletr şokı belän cäberlägännär. Östämä cäberlävdän qotılır öçen ul täräzädän sikergän , umırtqasın imgätkägän häm ul vaqıttan birle yöri almıy, tägärmäçle utırğıçta. Xatınnıñ isän buluı ul könne ük açıqlana , ul tuğannarına äytmiçä dustında qunaqta bulğan. Mixeyevne cäberlägännäre öçen ike miliotsionerğa 4-är yıl törmä cazası birelgän. Läkin, xökem qararı Yevropa Mäxkämäse anıñ eşen tıñlarğa rizalıq birgännän soñ ğına çığarılğan. Ayına 100 dolardan kimeräk pensiägä yäşärgä mäcbür bulğan Mixeyev Rusiä mäxkämäläre üzeneñ şikayätlären qänäğätländermägäç, Keşe xoquqları buyınça Yevropa Mäxkämäsenä möräcäğät itä. Tübän Novgorodtağı Cäberlävgä qarşı komitet aña Strasburgtağı mäxkämägä möräcäğät itüenä yardäm itä. Komitetnıñ räisäse Olga Sadovskaya radiobız xäbärçesenä bolay dide.
"Mäsäläneñ uñışlığı bezgä räsmilär tarafınnan keşeleksez möğämälä häm cäberlävgä duçar bulğannarnıñ xoquqların yaqlarğa mömkin buluın kürsätte. Bu mäsäläne suzğannarnı da cavapqa tartu mömkin bulır digän ömet tudırdı. Bu mäsäläne belä torıp 7 yıl suzıp kilgän tikşerüçelär häm prokuratura älegä cazalandırılmadı."
Mixeyev mäsäläse diqqätne Rusiädä militsiäneñ räximsezlegenä cälep itte. Sadovskayanıñ süzlärneçä, tik ber Tübän Novgorod regionında ğına da soñğı biş yılda militsiä tarafınan cäberlängän, eskäncägä ducar itelgän buluların şikayät itkän 300-dän artıq keşe komitetqa yardäm sorap möräcäğät itkän bulğan. Mixeyev xalıqara mäxkämägä möräcğät itkän berençe Rus vatandaşı bulmasa da, ul eskänçägä qarağan xökem protsesında ciñep çıqqan berençe Rusiä vatandaşı. Rusiä 1996-nçe yılda Yevropa Şurasına kergän buluı säbäple, anıñ yurisdiksiäsendäge mäxkämä qararın ütärgä yäğni 250 meñ Euro tülärgä tieş. Keşe xoquqları buyınça Yevropa Mäxkämäse sekretariatındağı Rusiä advokatı Olga Çernışova Rusiä 1998-nçe yılnıñ 5-nçe mayında Keşe xoquqları buyınça Yevropa Konvensisen raslagannan birle şikayät belderüçelär sanı arttı dip belderde.
"Rusiädän şikayät belderüçelär sanı çınnan da arta bara. 1998-nçe yılnıñ 5-nçe mayı belän 2006-nçe yılnıñ ğinvarı arasında Rusiädän 28 meñ şikayät kilde. 2004-nçe yılda mäxkämägä kilgän barlıq şikaytlärneñ 20 protsentı Rusiädän."
Xalıqara Mäxkämä şikayätlärneñ ber öleşen genä tikşerä ala. 2005-nçe yılda ul Rusiä vatanaşları şikayätläreneñ 83-en tikşergän bulsa ber yılı elegeräk 15 xökem qararı ğına çığarğan ide. Mäsälän 2004-nçe yılda ul üz vaqıtında media imperiasına iä Vladimer Gusinskiynıñ şikayäten tikşerde. Gusinkiy Rusiä xakimiätlären üzen törmägä yabıp imperiasın satarğa mäcbür itüdä ğäyeplägän ide. Yevropa mäxkämäse anıñ şikayäten urınlı taptı häm Rusiäne aña 88 meñ Euro tülärgä xökem itte.
Färit İdelle, Praga.
"Mäsäläneñ uñışlığı bezgä räsmilär tarafınnan keşeleksez möğämälä häm cäberlävgä duçar bulğannarnıñ xoquqların yaqlarğa mömkin buluın kürsätte. Bu mäsäläne suzğannarnı da cavapqa tartu mömkin bulır digän ömet tudırdı. Bu mäsäläne belä torıp 7 yıl suzıp kilgän tikşerüçelär häm prokuratura älegä cazalandırılmadı."
Mixeyev mäsäläse diqqätne Rusiädä militsiäneñ räximsezlegenä cälep itte. Sadovskayanıñ süzlärneçä, tik ber Tübän Novgorod regionında ğına da soñğı biş yılda militsiä tarafınan cäberlängän, eskäncägä ducar itelgän buluların şikayät itkän 300-dän artıq keşe komitetqa yardäm sorap möräcäğät itkän bulğan. Mixeyev xalıqara mäxkämägä möräcğät itkän berençe Rus vatandaşı bulmasa da, ul eskänçägä qarağan xökem protsesında ciñep çıqqan berençe Rusiä vatandaşı. Rusiä 1996-nçe yılda Yevropa Şurasına kergän buluı säbäple, anıñ yurisdiksiäsendäge mäxkämä qararın ütärgä yäğni 250 meñ Euro tülärgä tieş. Keşe xoquqları buyınça Yevropa Mäxkämäse sekretariatındağı Rusiä advokatı Olga Çernışova Rusiä 1998-nçe yılnıñ 5-nçe mayında Keşe xoquqları buyınça Yevropa Konvensisen raslagannan birle şikayät belderüçelär sanı arttı dip belderde.
"Rusiädän şikayät belderüçelär sanı çınnan da arta bara. 1998-nçe yılnıñ 5-nçe mayı belän 2006-nçe yılnıñ ğinvarı arasında Rusiädän 28 meñ şikayät kilde. 2004-nçe yılda mäxkämägä kilgän barlıq şikaytlärneñ 20 protsentı Rusiädän."
Xalıqara Mäxkämä şikayätlärneñ ber öleşen genä tikşerä ala. 2005-nçe yılda ul Rusiä vatanaşları şikayätläreneñ 83-en tikşergän bulsa ber yılı elegeräk 15 xökem qararı ğına çığarğan ide. Mäsälän 2004-nçe yılda ul üz vaqıtında media imperiasına iä Vladimer Gusinskiynıñ şikayäten tikşerde. Gusinkiy Rusiä xakimiätlären üzen törmägä yabıp imperiasın satarğa mäcbür itüdä ğäyeplägän ide. Yevropa mäxkämäse anıñ şikayäten urınlı taptı häm Rusiäne aña 88 meñ Euro tülärgä xökem itte.
Färit İdelle, Praga.