Accessibility links

чәршәмбе, 7 декабрь 2016, Казан вакыты 23:12

Awıldarğa bürelär höjüm itä


Ural aryağı rayondarında yırtqıstar ayırıusa kübäygän. Ular awıldarğa kerep yort xayuandarın qırğan osraqtar źa bar. Urındağı hunarsılar ösön bürelärźe atıp alıu mäsälähe tora xäźer. Hunarsılar äytewensä, horo yulbaźarźı atıuğa xaqtar uylamayınsa kämetelgän. Şuğa la xäźer ularźıñ kübäyewe küźätelä. Respublika hunarsılar yämğiätenän xäbär itewźärensä, elek büre atqan ösön 100 hum, inä büre ösön 200 hum tülängän. Ularźı atıuğa xatta samolettar häm boralaqtar źa yälep itelgän bulğan. 1970 yıldarźa Başqortostanda 150 olo büre terkälhä, xäźer Baymaq rayonı bilämähendä genä 110 büre terkälgän. Ularźı atıp alıuğa hunarsılar yälep itewgä älege lä bayağı aqsa yuq. Qar yörögös maşínalarğa benzin yetmäy. Baymaqta yırtqıstar 35 attı häm 32 hıyırźı yıqqan. Şäxsi yorttarźa maldarğa höjüm itew osraqtarı la bar. Bına şunday şarttarźa Baymaqtar urındağı kimäldä hunarsılarźı därtländerew sarahın tapqan. Bında atıp alınğan büregä -1000 hum, inä büre ösön 1 meñ 500 hum tülärgä qarar itkändär. Urındağı xäbärselär Azatlıq radíohı xäbärsehenä bürelärgä bäyle xäl turahında höyläne.

Respublikanıñ hunarsılar häm balıqsılar yämğiätendä äytewźärensä, bıltır 235 büre atıp alınğan. Maxsus tik hunar itew ösön genä Başqortostan urmandarında bolandarźıñ hiräk osray torğan törö-sıbar bolan ürseteläsäk. Yaponiala, Vietnamda, Koreala häm Alıź könsığışta ğına osrağan bıl xayuandar İglin rayonı Timbula xujalığına kilterelde. Şulay itep respublikanıñ iñ bay keşeläre üźźäreneñ küñelen asırğa teläy. Bıl tör bolandar Qıźıl kitapqa inderelgän. Ularźıñ mögöźźäre bik yuğarı bahalana ikän. Altın xaqına bäräbär, mögöźźän qimmätle darıuźar yahala tiźär hunarsılar. Bıl xayuandarğa tiźźän hunar başlanasaq. Ularźı Kaluga ölkähenän hatıp alıuğa aqsa birgän eşqıuarźar tiźźän üźźärenä käräkle keşelärźe saqırıp hunaor oyoştororğa niätläy. Xayuandar Başqortostan qışına sıźay almay, häläk bulıuı ixtimal. Şuğala ular maxsus urındarźa totola.

XS
SM
MD
LG