Accessibility links

шимбә, 10 декабрь 2016, Казан вакыты 17:41

AQŞnıñ 2007 yıl saqlanu büdjetına rekord summa aqça ayırıldı


Prezident G.Bush 2007nçe yılğı budjet täqdimen düşämbe könne Kongressqa cibärde. Täğdim itelgän budjet ölgesendä saqlanu öçen elek kürelmägän rekord summa aqça ayrılğan 439 milliard dollar. Pentagondağı mätbuğat oçraşuında saqlanu ministrı D.Rumsfeld aqça AQŞnıñ ğädäti bulmağan terrorğa qarşı köräş säläten arttıru häm (ğädäti) suğışlarda ciñüe öçen qullanılaçaq dip añlattı

1.çe üktäberdä başlanaçaq finans yılı öçen Pentagon budjetı yaqınça 7%(6.9%) qa arttırıla.Xärbilär öçen qullanılaçaq aqça rekord summa-439.3 milliard 300 million dollar. Şul summağa administratsiäneñ Kongresstan Ğıraq häm Äfganstanda barğan operatsiälärne finansiäläw öçen östämä 120 milliard dollar sorau plannarı kertelmägän. AQŞ saqlanu ministrı kiçä Pentagonda,

Prezidentnıñ saqlanu departamentı öçen sorağan aqça ütkän yılğa qarağanda kübräk.Bu ilneñ iminlek prioritetları ayrım alğanda AQŞ Amerika xalqı häm alarnıñ mänfäğätlären yaqlaw komandirlarğa ğädäti häm ğädäti bulmağan suğışlarğa äzerlänü häm partnär illär belän bergä eşläw öçen birelgän ähämiätne çağıldıra

Rumsfeld budjettä iminlek öçen ayrılğan aqça küp bulsa da ul AQŞ tulay milli produksiäseneñ 4%nnan da azıraq.AQŞ xalqınıñ ireklek häm baylığın saqlar öçen investitsiä kiräk . Bu investitsiä zur şulay da ul bik keçkenä çönki tulay milli produsiäneñ 3.7 yäki 3.8% ğına dip söyläde.

Täğdim itelgän budjet proyektında bäyägä töşäçäk ber mäsälä bar. Ul da bulsa armiä büleklären keçkenäräk, citez xäräkätle suğış brigadalarına üzgärtü. Monıñ öçen 6milliard 600million dollar planlaştırıla.Tizlektä küçerelä alğan häm üz üzen saqlıy alğan bu brigadalarğa kiräkle qoral ,çığımnar öçen budjetta 6 milliard dollar qaralğan

Äytep kitkän mäsälälär budjet ölgesendäge ğädäti xärbi kiräk yaraq. Alar yanında yaña tör suğış korapları şulsanda suasatı köymälären tabu öçen koraplar häm suğış oçqıçları da bar. Ayruça çittä terror törkemnärenä qarşı köräşü öçen aqça ayrıla. Aqçanıñ 12milliardı belän ekipajsız oçqan 322 küzläw oçqıçı alu küzdä totıla.342 million dollar belän predator küzläw oçqıçları alına .Predatorlar hädäfkä barıp citkän raketalar atu sälätenä iä.

AQŞnıñ partizan suğışı alıp barğan mäxsus köçläre arttırılaçaq.Älege 50meñnnän 2011yılğa qädär alarnıñ sanı 64meñgä citäçäk. Terrorğa qarşı suğış AQŞ taktikasın üzgärtte. 2007nçe yılda mäxsus operatsiälär öçen 5milliard dollar sarıf iteläçäk. Bu miqdar 2001yıl belän çağıştırğanda ike märtäbädän artığraq. Pentagonda budjet başlığı Tina Jones mätbuğat oçraşuında Rumsfeld yanında çığış yasap mäxsus büleklärdä çit tel, bigräk tä ğäräb tele öyräteläçäk dide. Jonas süzlärençä,

Xärbilärebezne 21nçe ğasır missiälärenä äzerläw öçen çit tel, çit il ğäref ğädätläre, mädäniätlären dä öyrätäçäkbez. Monıñ öçen budjetta aqça ayrılğan. Budjettä ğomumän çit tel belemen arttıru ,mäxsus operatsiä häm küzläw missiäläre öçen ğäräb häm başqa tellär öyrätüne arttıru ,ana tele däräcäsendä çit tellärne belüçelärne kübräk aqça tüläp tärcümän, añlatma birüçe itep alu öçen budjetta aqça qaralğan.

Budjetta yaña qorallar täräqi itü öçen tikşerenülärgä 73 milliard dollar ayrıla . Pantagon 482meñ keşedän torğan armiä totunı mäqsat itep quya. Älege 492meñ xärbidän az ğına kimeräk. Washingtonda bu turıda qızu bäxäslär bara. Ğıraq suğışı säbäple küp kenä kongresmennär xärbilär sanın arttırunı yaqlıy.Täğdim itelgän saqlanu budjetı administratsiäneñ 2.77 trillion dollarlıq federal budjetınıñ 16%ın täşkil itä.Kongress budjet ölgesen raslar dip kötelä. färidä xämit
XS
SM
MD
LG