Accessibility links

якшәмбе, 11 декабрь 2016, Казан вакыты 07:04

Edelveis kibetlärendä Daniä tawarları yañadan satıla başladı


Daniä tawarlarına qayber möselman illäre başlağan baykot, başqartu çaraları Tatarstanda bulmadı. Qazanda barı tik “Edelveis” kibetlärendä genä öç-dürt kön däwamında “Bez Daniä tawarların satmıybız” digän belderülär kibet işeklärendä elenep tordı. “Edelveis” şirkäteneñ matbuğat üzäge xäbär itkänçä, uzğan atna axırında älege kibetneñ kiştälärennän Daniä tawarları satudan alınğan.

Monıñ belän şirkät Möxämmät Päygambärne mısqıllağan karikatura bastıruğa üzeneñ qaraşın belderelgän.

Şirkät belderüenä qarağanda, ägär başqa berär din mısqıllağan bulsa da, alar şulay uq eşlägän bulırlar ide. Çönki dingä ışanuçılarnı räncetergä yaramıy, möselmanmı ul, xristianmı, yähüdime. Qazan da şaqtıy kiñ taralğan “Edel''veys” kibetlär çeltäre, sişämbedä matbuğat çaralarına bu mäs’älägä qarata añlatmasın da tarattı. Anda, “Bez süz matbuğat irege häm millionlağan keşelärneñ dini xislären kimsetü arasında ayırma barlığına Daniä xökümäteneñ iğtibarın cälep itmäkçe buldıq”, dielä.

Ä ğomumän qazanlılar mondıy ğauğalardan soñ Daniä tovarların qullanamı? Açıq mikrofonnıñ sişämbe soraştıruı şul xaqta:

- Daniä belän konfliktnı döres dip uylıym min. Bez üzebezneñ tovarlarnı kübräk alırğa tırışabız. Şulay uq Qıtay häm Törkiä tovarların da alğan bar. Zatlı äyber tügel älbättä. Üzebeznekelär äybäträk.

Belmim, ber dä oçratqanım bulmadı.

Min ğomumän üzeñneñ Tatarstanda ğına çıqqan tovarlarnı qullanam. Min alarnıñ tovar äyläneşen kütärergä tırışam.

Daniägä qarata boykot turında min xäbärdar tügel, balağa bez alar çığarğan produktlarnı alabız.

Gölnaz Şäyxetdin

XS
SM
MD
LG