Accessibility links

җомга, 9 декабрь 2016, Казан вакыты 11:00

Hamas Qahirädä söyläşülär uzdıra


Hamasnıñ yuğarı räsmi wäkile İsmail Haniya, islam oyışmasınıñ ber wäkile fälestin premyer-ministrı bulır dip kötelä, dip belderde. Tögäl kem bulaçağı turında söyläw äle irtä, dide Haniya. Hamas şulay uq xäkümätne säyäsi köndäşe Fatah belän berlektä tözergä cıyınuın belderde. Uzğan ayda parlament saylawlarında ciñelüdän soñ Fatah citäkçeläre Hamas belän koalisiä tözüdän baş tartqan ide. Ämma Fatah citäkçeläreneñ berse Nabil Şaath, Hamas säyäsi programmasın täqdim itkännän soñ, Fatah yaña xökümät tözü turında söyläşülärne başlarğa äzer, dip belderde. Mısır başqalası Qahirädä Hamas citäkçeläre xökümät tözü häm premyer-ministr urınına namzätlär turında söyläşülär uzdıra. Ul arada Yaqın Könçığışta köç qullanu turında xäbärlär kilde. İzrail ğaskärläre Könbatış Yarda İslam Cihadı yulbaşçılarınıñ berse Äxmät Radadnı ütergän. Soñğı waqıtlardağı İzrailgä qarşı höcümnäre öçen İslam Cihadı cawaplı ide.

XS
SM
MD
LG