Accessibility links

шимбә, 3 декабрь 2016, Казан вакыты 18:54

Möxämmät päyğämbär räsemnärenä qarşılıq belderü köç qullanuğa äylände: 4 keşe ülde


Bügen Äfğanstanda Möxämmät päyğämbärne sürätlägän räsemnärgä qarşılıq belderüçelärgä ut açıldı, kimendä 4 keşe häläk buldı. 15 keşe yaralanğan, dip xäbär itelä. Äfğan räsmiläre süzlärenä qarağanda, köç qullanu, uram cıyınında qatnaşuçılar Norvegiä xärbiläre urnaşqan NATO xärbi bazasına bärep kerergä tırışqanda başlanğan. Köç qullanu öçen kemneñ cawaplı bulğanı turında tögäl genä mäğlümat yuq. Faryab vilayäte başlığı Abdul Latif İbrahimi, protest belderüçelär ut açqaç, Norvegiä xärbiläre cawap utı açtı, dip belderde. Oslodağı Noervegiä saqlanu räsmiläre, xärbilärneñ barı tik yäşländerü gazı belän cawap qaytarğanın xäbär itte. Xärbi bazanı saqlarğa östämä britan xärbiläre cibärelgän. BMO üz xezmätkärläreneñ ber öleşen şähärdän çığaruın xäbär itte.

XS
SM
MD
LG