Accessibility links

пәнҗешәмбе, 8 декабрь 2016, Казан вакыты 07:02

2007dä Azatlıq radiosınıñ Makedoniägä tapşıruları tuqtatıla: AQŞ büdjetı


AQŞ prezidentı George Bush, 2007nçe yılğa 2 trillion 770 milliard dollarlıq büdjetnı raslawnı sorap Kongressqa möräcäğät itte. Bik küp sotsial programmalarnı finanslaw qısqartılğan, anıñ qarawı saqlanu häm eçke iminlekkä çığımnar artqan. Bıyıl defisit 423 milliard dollar bulır dip kötelä. Kiläse yılda Bush çığımnar belän keremnär ayırmasın 354 milliardqa qadär kimetergä cıyına. Senattağı demokratlar citäkçese Harry Reid, büdjetnı "ähläqsız häm cawapsızlıq küreneşe" dip atadı. Xalıqara tapşırularğa kilgändä, 2007nçe yılda Azatlıq radiosınıñ Makedoniägä tapşırularnı tuqtatu, rus redaksiäseneñ programmaların könenä 6 säğätenä qısqartu qaralğan. Büdjet mäsäläsendä söyläşülär yazın başlanaçaq, häm qabul itelgändä büdjet prezident täqdim itkännnän nıq ayırılırğa mömkin.

XS
SM
MD
LG