İbelcaminovlar ğailäse berniçä yıl elek Çiläbe ölkäsennän küçenep qaytqan. Nailä xanım äytüençä, alar balalarınıñ ana telen öyränep – tatar moxitendä üsüen telägännär, Tatarstanğa küçenep qaytunıñ da säbäbe şul bulğan. Nailä xanım üze Şäriğät quşqança yawlıq bäyläp yöri. Qızlarına bu mäs'älädä ul basım yasamıy – üzläre xäl itsennär di. Olı qızı Kamilä 9нчы sıynıfqa küçkäç möselmança yawlıq bäylärgä bula. Häm böten problemalar şunnan başlana da. Nağornıy bistäseneñ 124нче mäktäp direktorı Nailä xanım süzlärenä qarağanda, balanı här’äklap kimsetä başlıy. Mondıy xälneñ Çiläbedä bulğanı yuq ide di ana keşe. Nailä İbelcaminova
Direktor bezdä sivilizovannıy il, dönyawi mäktäp di. Qızım isä direktornıñ şulay kimsetüennän uñaysızlıq kiçerä.
Ä qızı Kamilä bu xaqta bolay di
Fiziqa däresendä ul kerep “Sezgä şundıy qız oşıymı“ dide. Klasstaşlarım miña qarşı tügel, ämma äytergä kurktılar
“Azatlıq” radiosı çärşämbe könne älege mäs’älägä açıqlıq kertü öçen mäktäp direktorı Venera Siracievağa da möräcäğät itte.
Mäktäpneñ Ustavı bar. Anda ös – aq, as-qara dip yazılğan. Bez balalarnı şulay tärbiälärgä tırışabız. Yawlıq mä’säläsen üzegez qarağız.
Ustavta yawlıq turında bernindi süz yazılmağanı xaq. Qazan şähäre mäğärif idaräse citäkçese urınbasarı Marat Lotfullin
Mondıy xällär bulsa mäğärif idäräsenä yäki rayonnıñ mäğärif büleklärenä möräcäğät itärgä kiräk. Çönki bu xoquq bozu.
Qazandağı Keşe xoquqların yaqlaw fondı citäkçese, xoquq belgeçe Ramil Nuriev
Rusiä häm Tatarstan Konstitutsiäsendä xoquqlar yazılğan, mäktäp Ustavında da çikläwlär bulırğa mömkin tügel.
Yawlıq bäyläp mäktäplärgä yörergä yarıymı- yuqmı, bu qayber başqa illärdä dä problem bulıp tora. Rusiä Konstitutsion mäxkamäse pasport öçen yawlıq bäylägän kileştä surätkä töşärgä röxsät itte. Ä Qazannıñ qayber mäktäplärendäge yawlıqlı qızlardan rizasızlıq kürsätü - Tatarstan öçen kürenmägän xäl ide älegä qädär. Xäyer, mäktäp direktorı da, andıy xäl bulmadı dip bara. Kamilä mäs’äläse inde xäl itelde dip ışandıralar. Läkin, bu xoquqsız ğämällär Rusiädä bugenge köyendä terrorizm digän sıltaw belän İslamğa basım barğan çorda, başqa mäktäplärdä kilep çıqmas dip kem garantiä birä ala.
Landış Xarrasova
