Accessibility links

якшәмбе, 4 декабрь 2016, Казан вакыты 17:20

Äfğanstanda protest çarasında 4 keşe ülde


Möselman illärendä Möxämmät päyğämbärne kimsetkän räsemnärgä qarşılıq belderü däwam itä. Äfğanstannıñ könyağındağı Zabul vilayäte başqalası Qalatta, uram cıyını waqıtında çıqqan köç qullanuda 4 keşe häläk buldı, 9zı yaralandı. AQŞ ğäskärläreneñ matbuğat wäkile polkovnik James Yonts, Qabuldan, tınıç başlanğan uram cıyını köç qullanuğa äylände, dip xäbär itte:

"Uram cıyını tınıç başlandı, küp digändä berniçä yöz keşe cıyılğan ide. Nindider säbäptän cıyın köç qullanuğa äylänep kitte, häm äfğan keşeläreneñ faciğäle ülemenä häm yaralanuğa kiterde."

Äfğan räsmiläre süzlärenä qarağanda, iminlek köçläre tärtip saqlar öçen xalıqqa ut açqan. Xärbilär üzlärenä taşlar atıluın xäbär itte. Şundıy uq protest çarasında kiçä dä 4 keşe häläk bulğan ide. Könbatış Yardağı Hebron şähärendä bügen protest belderüçelär xalıqara missiä urnaşqan binağa taşlar häm şeşälär attı.

XS
SM
MD
LG