Accessibility links

пәнҗешәмбе, 8 декабрь 2016, Казан вакыты 05:02

Rusiä säyäsätçese Törkmänstandağı yaña qanunğa täñqit belderde


Rusiäneñ Rodina firqase başlığı Dmitry Rogozin, parlament utırışında, Törkmänstandağı pensiälärne tülämäw turındağı yaña qanunğa täñqit belderep, yaña tärtip – humanitar faciğağa kiterergä mömkin, dide. Yaña qanun nigezendä pensiädäge 100 meñgä yaqın Törkmänstan watandaşına pensiä aqçası tülänmi başlıy. Alar arasında Törkmänstanda yäşäwçe ruslar da bulırğa mömkin, alar da ziyan küräçäk, dide Rogozin. Parlamenttağı çığışınnan soñ Rusiä säyäsätçese, Azatlıq radiosınıñ törkmän redaksiäsenä, Rodina firqase xalıqara cämäğätçelekne çaralar kürergä çaqıra, dip söyläp birde:

"Bu – humanitar faciğa başlana digän süz. Bez, Rusiä parlamentı ğına tügel, böten xalıqara cämäğätçelekneñ Törkmänstandağı humanitar häm säyäsi wazğiätkä täsir itüe zarur, dip sanıybız."

25nçe ğinwar könne Törkmänstan prizidentı Saparmorat Niyazov, statistikada ildäge pensionerlar turında yalğış sannar kürsätelgän, dip pensiälärne kimetü turında qanun çığarğan ide. Başqalar, älege wazğiät öçen däwlätneñ pensiä fondındağı citeşsezleklärne ğäyepli.

XS
SM
MD
LG