Accessibility links

шимбә, 10 декабрь 2016, Казан вакыты 06:07

Ukraina Rusiä belän gaz kileşüen qarap çığarğa äzer


Ukraina premyer-ministrı Yuri Yexanurov, Kievnıñ, ägär dä Rusiä qänäğät bulmasa, Mäskäw belän tabiği gazğa kileşüne yañadan qarap çığarğa äzer bulğanın belderde. Yaña Yıl başlanğanda tözelgän älege kileşü Ukrainada da rizasızlıq tudırdı, gazğa bäyälär arttı, gaz täminatına şulay uq aradaşçı şirkät quşıldı. Älege şirkät – RosUkrEnergonıñ yartısı – Rusiäneñ däwlät qaramağındağı Gazpromnıqı, häm qalğan yartısı – bilgesez investorlar qulında. 7 fivral könne Rusiä prezidentı Vladimir Putin, älege bilgesez investorlarnıñ Rusiägä qatnaşı yuq, alar Ukrainanıqı, dip beldergän ide. Yexanurov monı kire qaqtı häm tikşerü başlağanın belderde:

"Ägär dä RosUkrEnergonıñ nindi dä bulsa öleşeneñ Ukrainanıqı buluı açıqlansa – min däwlät milek fondına şirkätne 1 hryvnağa auksionğa satuğa quyarğa täqdim itäm."

Ğinwar ayında Ukraina parlamentı Yexanurovnı älege gaz kileşüe mäsäläsendä urınınnan alu öçen tawış birgän ide.

XS
SM
MD
LG