Başqortostanda tuqmalğan soldat ülem xälendä

Başqortostanda bik yetdi wäzğiät qabınırğa tora. Ul Räsäy Qorallı Köstärendä ustavta yaźılmağan mönäsäbättärgä bäyle. Öfönän yıraq tügel urınlaşqan Yañı Aleksandrovka xärbi çasında xeźmät itkän Dağstan yegete äle 8-se dawaxanala ülem xälendä yata. Dawaxananıñ baş tabíbı Ramil Mäğäfürov äytewensä, yegetteñ xäldäre ısınlap ta awır. Ni ösön tuqmalğanın äytä almayım, beźźeñ, tabiptarźıñ töp burısı dawalaw bit inde tine Rämil Mäğäfürov. Azatlıq radíohı xäbärsehenä tuqmalğan yeget turahında mäğlümätte dawaxananan sitkä sığarmaw turahında maxsus kürhätmä bulıuı turahında la bildäle buldı. Bıl turala dawaxana xeźmätkärźäre üźźäre xäbär itte. Şuğa la Dağstan yegeteneñ üleme-tereme ikäne turahında äytewe bik qıyın. Unıñ iseme lä bildäle tügel.

Başqortostandağı bıl wazğiät turahında, qayhı ber mäğlümättär buyınsa, haqlanıu ministrı Sergey İvanov ta belä. Ul kisä Respublikağa kilgän. Bınıñ ösön Mortaza Räximovqa Yanğantaw şifaxanahındağı yalın öźörgä tura kilgän. Ämmä bıl mäğlümät räsmi raźlanmağan. Räsäy Qorallı köstärendä tärtip yuq. Azatlıq radíohı xäbärsehenä bıl turala Ulyanovskiy ölkähendäge xärbi çastan qasıusı Arkadiy isemle yeget xäbär itte. Ul undağı çastärźeñ berehendä kontrakt nigeźendä xeźmät itkän. Arkadiy Öfö yegete. Ul tağı la dürt yeget menän üźe xeźmät itkän çastän qasqan. Yegettär Ulyanovskiyğa bara häm unda xärbi bilettarın tapşırıp waqıtlısa fatirğa inä. Xärbi çasqa bik huñlap baralar. Şunan huñ ularźıñ mixnättäre başlanala inde. Arkadiy bıl turala Azatlıq radíohı xäbärsehenä bına nimä tine. (audio)

Arqädiy häm unıñ xeźmättäştäre xärbi xeźmättän baş tartmay, ular watandaşlıq burısın ikense urında ütärgä teläy. Äle ular Öfölä Qulasa uramındağı yortta xeźmättäştäre Alekseyźıñ äsähendä yäşäyźär. Maria Balesnikova prokuraturağa ğariza äźerläy. Yegettärźeñ xärbi çastan qasıuın ul bolay añlata. (audio)