Accessibility links

Möxämmäd päygämber karikaturlarına protestlar däwam itsä dä, köç qullanu kimi


Mäxämmäd päyğämberne mısqıllağan karikaturlarnıñ basıluına qarata protestlar däwam itsä dä, köç qullanu kimi bara. Xökümätlär salqın qanlılıq, tınıçlıqqa öndägändä,süz ireklegen yaqlawçılar belän dini qaraşlı aktivistlar arasındağı upqın tiränäyä bara.

AQŞ däwlät sekretarı C.Rice karikaturlar säbäple qabınıp kitkän köç qullanunı tuqtatırğa çaqırğan sonğı xökümät räsmie bulıp tora.Ul çärşämbedä Washingtonda mätbuğat oçraşuında

Küp kenä gönaxsız keşeneñ yaralanğan köçqullanunı ber närsä dä aqlamıy.Diplomatik missiälärne yandıru yäki Dönyanıñ törle poçmaqlarındağı missiälärne yañaunı ber niçek tä aqlap bulmıy.Älege mizgeldä här kem tınıçlıqqa öndewgä tieş

Rice Tehran häm Damask krizisnı belä torıp könbatışqa qarşı näfrätne kiskennäşterü öçen qullana dip alarnı ğäyepläp çıqtı. İndoneziädä säfärdä bulğan İran vitse prezidentı İsfandiyar Rahim bu ğäyepläwne yalğan dip kire qaqtı. Amerika basması New York Times bügen yaqın könçığış belgeçenä tayanıp Möxämmäd päygämber karikaturları turındağı şau şu dikäber ayında Mäkkädä İslam illäre konferensiäsennän soñ başlandı dip yazıp çıqtı. Şul summitqa kilgän 57 möselman ile citäkçese urtaq kommmunikede ''qayber illärdä mätbuğatta Möxämäd päygämbär mısqıllana digän borçılu belderde Häm fiker ireklege dinnärgä tap töşerü öçen sıltau itep qullanıla dip kisätte. Şunnan soñ küp kenä ğäräb ilendä Dania towarlarına boykot başlandı.Karikaturlar sintäber azağında basılıp çıqqan bulsa da baytaq qına ğäräb ile citäkçese Daniağa qarşı retorika qullana başladı. NYT gazetasına ängämä birgän belgeçlär fikrençä, möselman liderlere ike mäqsat quya karikaturlarğa zur ähämiät birep, berençese üzlären islamnıñ çın yaqlawçısı itep kürsätep islamçı opozitsiä xäräkätlären çitlätü häm ikençedän cämäğätçelek fikren könbatış märbuğatına qarşı quyıp, AQŞnıñ demokratiäläşü taläben aqrınaytunı ömed itä.

Krizis däwam itä. Bügen İndoneziädä-Jakartada studentlar Dania ilçelege aldında cıyılıp karikaturlar basılıp çıqqan gazetnıñ cazalanuın taläp itte. Protest citäkçese Abdul Rachim

Bez bu demonstratsiä belän, Dania ilçelege, Dania xökümätenä , möselmannarnı kimsetkän räsemnärne basıp çığarğan jurnalnıñ cazalandırıluın telibez dip kürsätmäkçebez.

Fransiä atnalığı Charlie Hebdo ,Dania jurnalındağı räsemnärne basıp çığardı.Jurnalnıñ muxarrire Philippe Val çärşämbedä Reutersqa birgän ängämädä bolay dip söyläde:mäğlümät çaraları irekle fiker belderüdän çigenmäskä tieş, çigenü totalitarizmnı qıyulandıru bulaçaq,Bügen islam turında irtägä başqa närsä turında taläplär quyılaçaq .Totalitarizm yäşäp qalu öçen şäkel häm doktrinasın ğına üzgärtä.

Üzen Talibannıñ ölkän komandirı itep tanıtqan Mulla Dadulla Ajans Frans Pressqa Äfganstannan telefon aşa karikaturlar basılıp çıqqannan birle 100keşe intihar höcümçe bulırğa teläwen belderde dip äytte. Ul şulayuq räsemne eşlägän keşelärne üterüçelärgä 100kilogram altın biräçäkbez dip beldergän.Älge waqıtta 100kilo altınnıñ bäyäse yaqınça ber million 900meñ dollar

Şul arada Dania premyere Fogh Rasmussen çığışı belän törek Dania deputatı Husein Arac belän küreşäçäk.Ul Törkiä şul mäsälädä Dania häm başqa möselman illäre belän cıyılış ütkärep, aradaşlıq itsen dip sorıyaçaq. färidä xämit
XS
SM
MD
LG