Tatarstanda “Min – Rusiä watandaşı” dip isemlängän böten Rusiä aksiäseneñ cirle etabı başlandı, dip xäbär itä İntertat.ru säxifäse. Bäygene Rusiäneñ Fän häm mäğärif ministrlığı ütkärä. Anıñ qısalarında respublika mäktäpläreneñ uquçıları törle sotsial’ proyektlar täqdim itäçäk. Şulardan öçese saylanıp alınıp, Mäskäwgä cibäreläçäk. Älege bäyge balalarda watanpärwärlek xisen, Rusiäne yaratunı arttıru öçen eşlänelä ikän. Tatarstan uquçıları “Min – Rusiä watandaşı” dip isemlängän aksiädä üzlären niçek kürsäter, älege bilgesez. Ä menä bez qazanlılardan “Sez üzegezne kem watandaşı itep sanıysız”, dip soraştıq.
- Min üzemne Tatarstan respublikasınıñ watandaşı dip sanıym. Çönki min şuşında tuğan, monda üskän. Häm min üzemne tatar balası itep xis itäm.
- Soñğı waqıtta min üzemne Rusiä grajdaninı dip sanıy. Ni öçen ikänen cawap birä almıym.
- Min üzemne Tatarstan watandaşı dip uylıym. Çönki bu minem tuğan cirem. Minemçä, här keşe üzeneñ tuğan yağına tartıla. Qaya ğına yäşämäsen barıber üzeneñ tuğan yağın sağına.
- Älbättä Tatarstan watandaşı. Menä min Mäskäwgä barğan idem dä keşe barıber ikençe törle. Monda min üzemne irkenräk xis itäm.
- Bez Rusiä dip sanalsaq ta, min üzemne Tatarstan watandaşı dip sanıym. Bu minem watan.
- Miña barıber. Min Tatarstanda yäşim, ä Tatarstan Rusiägä kerä. Min monda ayırma kürmim.
- Rusiä belän Tatarstannı min bülep yörmim ul bit ber ük äyber.
Gölnaz Şäyxetdin
