Accessibility links

якшәмбе, 11 декабрь 2016, Казан вакыты 09:02

Räşit Zahidullin: Teatr uttan tügel, sudan kübräk zıyan kürde


Sişämbe könne Qazandağı Kärim Tinçurin isemendäge tatar teatrı binasında yanğın çıqtı. Bu xaqta respublika televideniesendä genä tügel, xätta üzäk kanallarında da reportajlar buldı. Anda Qazandağı tatar teatrında zur yanğın çığıp, binağa şaqtıy zıyan kilde, dip söylädelär. Läkin teatr wäkilläre jurnalistlarnıñ älege waqiğanı şulay faciğäle itep kürsätüe belän kileşmi. Sensatsiä artınnan quıp, televidenie xezmätkärläre bezneñ tamaşaçılarnı aldadı, teatrnıñ abruyına zıyan kiterde, dip sanıy alar. Şuña da, bu yanğın xaqında tulıraq häm tögälräk mäğlümät alır öçen bez teatrnıñ baş rejisserı Räşit Zahidullinğa möräcäğät ittek. Ul bezgä menä närsälär söyläde.

Teatr yanğınnan alay ällä ni zur zıyan kürmäde. İñ zur zıyan yanğınnı sündergändä sibelgän sudan buldı. Läkin bez yanğın sünderüçelärgä barıber bik räxmätle, alar bik tiz kilep, yanğınnı sünderdelär, alar bulmasa zıyan kübräk bulğan bulır ide. Yanğın dip, anda ber divan ğına yandı, utına qarağanda, tötene kübräk buldı. Berençe qatta yal bülmäsendäge ber divannan şundıy tawış quptı. Keşelärgä kilgändä, bezneñ ber xezmätkär tötennän qurqıp, täräzädän sikerde, başqa alay zıyan kürüçe yuq. Teatrda isä säxnä, kostyum-dekoratsiälär isän. Läkin tözekländerü eşläre barıber kiräk inde. Läkin bez üzebezneñ säxnädä bulmasa da, tamaşaçılar aldında çığış yasarbız, dip uylıym

Şulay itep, Kärim Tinçurin isemendäge teatrnıñ baş rejisserı Räşit Zahidullin fikerençä, alar tamaşaçılar belän bik ozaqqa ayırılırğa niätlämi.

Gölnaz İlgizär

XS
SM
MD
LG