Accessibility links

сишәмбе, 6 декабрь 2016, Казан вакыты 03:57

Ğäşürädä köç qullanu: 30 keşe häläk buldı


Paqstannıñ tönyaqkönbatışında şartlawlarda kimendä 30 keşe häläk buldı. Yarım xärbi köçlär başlığı Aziz Rehman, qorallanğan bilgesez ber keşe tulı avtobusqa ut açtı, anda 4 yulçı ülde häm 2 keşe yaralandı, dip xäbär itte. Hangu şähärendä kommendant säğäte iğlan itelgän, yullarda iminlek köçläre quyıldı. Eçke eşlär ministrı Aftab Ahmed Şerpao, 3 şartlaw buldı, dip belderde. Hangudağı köç qullanu möselmannarnıñ Ğäşürä bäyrämen bilgeläw çaralarına turı kilde. Şiği möselmannarı öçen izge, Möxämmät päyğämbärneñ onığı imam Hössäin cirlängän dip sanalğan Ğiraqtağı Qarbala şähärenä bügen Ğäşürä bäyrämenä yözlägän meñ keşe cıyıldı. İrlär üzlären timer çılbırlar belän qıynap izge cirlärdän ütte. İminlek saqlar öçen meñlägän keşe quyılğan ide.

XS
SM
MD
LG