Accessibility links

якшәмбе, 4 декабрь 2016, Казан вакыты 17:24

Fransiä Rusiäneñ Xämasnı Mäskäwgä çaqıruın xuplıy


Fransiä xökümäte Rusiäneñ Xämas Fälestin suğışçan törkeme citäkçelären Yaqın Könçığışta tınıçlıq urnaştıru eşe turında söyläşülär öçen Mäskäwgä çaqıru qararına räsmi xuplaw belderde. Bügen Rusiä saqlanu ministrı Sergey İvanov Rusiä Xämas citäkçeläre belän planlaştırılğan oçraşuda Xämasnı İzrail'ne tanırğa häm Yaqın Könçışışta tınıçlıqnı yaqlarğa ügetliäçäk dide. Fransiä tışqı eşlär ministrlığı süzçese Denis Simonneau Fransiä xökümäte Rusiäneñ bu ğämäle tınışlıq urnaştıruğa yardäm itär dip isäpli dide. İzrail' Rusiäneñ Xämasnı çaqıruına açu belderde. Quşma Ştatlar Rusiädän açıqlaw soradı. Quşma Ştatlar häm Yewropa Berlege Xämasnı terrorçı törkem dip sanıy häm Xämas köç qullanudan baş tartıp İzrail'neñ yäşäw xoquqın tanığançığa qädär anıñ citäkçeläre belän härtörle oçraşunı tıynı. Xämas üz pozitsiäsen üzgärtergä cıyınmıy.

XS
SM
MD
LG