Accessibility links

дүшәмбе, 5 декабрь 2016, Казан вакыты 01:25

Stavropol töbägendäge atışlarda 8 militsioner qorallı 11 keşe üterelde


Rusiä eçke eşlär ministrlığınıñ häm maxsus köçlärneñ 300-läp xezmätkäre Çeçnädän 40 çaqrımlap tönyaqta Stavropol töbägendäge Tukui-Mexteb awılında qorallı suğışçılar belän qatı bäreleşte. Eçke eşlär ministrlığı atışlarda üzeneñ 8 xezmätkäreneñ häm qorallı 11 keşeneñ hälak buluın belderde. Azatlıqnıñ Stavropoldäge xäbärçese Lada Ledenyova "11 suğışçı üterelde, ämma cirle milistiä bülege alarnıñ qayberläre qaçıp kitkän dip isäpli. Operatsiä awılnıñ taşlandıq munçasında qorallar häm suğış kiräk yaraqları buluı turında xäbär kilgännän soñ pänceşämbe könne kiçke 4-lärdä başlandı. Anda operativ törkem cibärelgän, alar qoral tapmağan ämma suğışçılar tarafınnan utqa totılğan" dide. Qorallı törkem 2 yortta qarşılıq kürsätkän, xärbilär ul yortlarnı tanklar yardämendä yuq itkän. Federal' iminlek xezmäteneñ matbuğat wäkile alar 1990-nçı yıllar axırınnan birle Çeçnädä rus köçlärenä qarşı suğışqan noğaylar dide.

XS
SM
MD
LG