Accessibility links

шимбә, 3 декабрь 2016, Казан вакыты 03:27

“Nur” tatar däwlät teatrında konsert premyerası


Comğa könne Ufa “Nur” tatar däwlät drama teatrı säxnäsendä zur bäyräm. Biredä icat kollektivı tamaşaçılarına üzeneñ ör-yaña konsert programmasın täqdim itä. Mäğlüm buluınça, “Nur” tatar däwlät teatrı drama äsärlären säxnäläşterü, spektakl'lär quyu belän bergä, yıl sayın diärlek yaña konsert programmaları da äzerli. Şulay bulmıy mömkin dä tügel, çönki teatr üzeneñ iskitkeç moñlı tawışlı cırçıları, osta biüçeläre häm törle muzıka qorallarında uynıy torğan talant iäläre belän dä ğorurlana ala.

Bıyılğı konsert programması ssenarien teatrnıñ äydäwçe akterı, Başqortstannıñ atqazanğan artistı Mäxmüt Fatıyxov yazğan. Yaña tamaşa xaqında menä nilär äytte ul “Azatlıq” qa.

Fatıyxov:Bezneñ yaña konsert programması da bik qızıqlı kilep çıqtı. Anda qatnaşuçılar küp bulmasa da, cämğısı biş kenä keşe, bu tamaşa sänğät söyüçelärgä oşar dip uylıym. Anda talantlı cırçılarıbız İlnur Välitov, Ruslan Zölqarnäy häm başqa cırçılar qatnaşa. Alar inde härberse üz audioal'bomnarın da çığarğan keşelär. Tamaşabıznıñ eçtälege şuñardan ğibarät – möxättäkä bernindi yäşlär dä çik tügel.

Xäbärçe: Ufa “Nur” tatar däwlät drama teatrı akterı, Başqortstannıñ atqazanğan artistı Mäxmüt Fatıyxov buldı. Mäxmüt äfände yaña konsert programması säxnägä quyılu belän teatr kollektivınıñ yaña eşkä totınaçağın da xäbär itte. Şuşı yäkşämbedä “Nur” tatar teatrı icadi köçläre Xäbibulla İbrahimovnıñ “Ciznäkäy” komediäsen säxnäläşterä başlayaçaq ikän.

Mäcit Ğafuri isemendäge Başqort däwlät akademiä drama teatrı säxnäsendä dä bügen premyera. Anda kiñ bilgele klassik äsär – “Qodaça” muzıkal' komediäse säxnäläşterelde.

Fänis Fätxi, Ufa

XS
SM
MD
LG