Mäskäw. Rusiä tışqı eşlär ministrlığı wäkile Vladimir Doroxin bügen, üzendä Qara diñgez flotın totu öçen Rusiädän kübräk aqça sorarğa Ukrainanıñ xoquqı yuq dip belderde. Doroxin süzlärençä, ike il arasında Qara diñgez flotın bülü xaqında 1997-nçe yılda ireşelgän häm Mäskäwgä Aqyar-Sevastopol'däge xärbi-diñgez nığıtmasın 20 yıl qullanunı röxsät itkän kileşü alay bozıla almıy. Gaz suğışınnan soñ Ukraina Rusiädän Sevastopol' nığıtması öçen bazar bäyälären tüläwne sorayaçağın beldergän ide. Mäskäw älegä yıl sayın 93 million dollar tüläp kilä.
