Yewropa Berlegeneñ tışqı säyäsät öçen cawaplı ölkän wäkile Javier Solana Möxämmät päyğämber karikaturalarına protestlar däwam itkän bu könnärdä yaqın könçığış säfäre barışında Yewropa isemennän İslamğa xörmät belderde.
Solana Ciddädä 57 ilne üz eçenä alğan İslam Konferensiäse Oyışması idaräsendä oyışma räise Ekmeleddin İxsanoglu belän oçraştı.
İxsanoglu Yewropa Berlegen İslamofobiägä qarşı köräş qanunı çığarırğa häm jurnalistlar öçen dini simvollarnı mısqıllawnı tıya torğan ädäp qağidäläre buldırırğa çaqırdı.
İranda ber gazet Möxämmät päyğämbär karikaturaların bastıruğa qarşı xalıqara karikaturalar bäygese iğlan itte.
