Biredä Ğiraqnıñ elekke citäkçese Säddam Xösäinne xökem itüçe mäxkamä eşçänlegen yañarttı häm anda Säddam tağın ber märtäbä bu mäxkamä xoquqıy tügel dide.
Säddam mäxkamäneñ uzğan ike utırışında qatnaşudan baş tartqan ide.
Anıñ ike elekke yardämçese şähardätlek öçen mäxkamägä mäcbüri kiterelülären, çığış yasarğa telämägänleklären belderde.
Soñraq mäxkamä eşe sişämbegä kiçekterelde. Säddam häm anıñ belän bergä xökem itelüçe 7 keşe 1982-nçe yılda Dujail awılında 148 keşene üterüdä ğäyeplänä.
Bügen Säddamnıñ advokatlar törkeme yäkşämbe könne mäxkamägä Säddam belän oçraşu mömkinlege sorap xat cibärülären belderde. Baş prokuror Cäğfär Mussawi advokatlar törkeme 29-nçı ğinwarda mäxkamädän çığıp kitkännän soñ Säddam belän oçraşu xoquqın yuğalttı dide.
Bügen Ğiraqnıñ törle urınnarındağı höcümnärendä kimendä 13 keşe hälak buldı.
