Bıtlır Beslan mäktäbendä totıqlar alu faciğäsendä balaların yuğaltqan 6 ana bu waqıyğanı räsmi tikşerü näticälärenä protest belderep bügen 5-nçe kön açlıq tota.
Uzğan atnada Rusiäneñ baş prokurorı räsmi räweştä berdänber isän qalğan totıq aluçı dip sanalğan Nurpaşi Kulayevqa ülem cäzası birüne soradı. Kulayev berdänber xökem itelüçe dä.
Qorbannarnıñ tuğannarı faciğä öçen cawaplılıqnıñ ber öleşe xakimiätlärgä turı kilä dip xalıqara tikşerü ütkärüne taläp itä.
Uzğan atnakiçtä 7 ana açlıq iğlan itte. Ämma soñraq alarnıñ berse xäle naçarayu säbäple açlıqnı tuqtattı. Tağın ike xatınnıñ xäle naçarayğan dip xäbär itelä.
