Taliban suğışçıları Äfğänstannıñ könyağında AQŞ köçläre belän bergä eşläwçe xärbi bülekkä höcüm itep 2 keşene üterde, 6 keşene totıq itep alıp soñraq alarnı da üterde.
Reuters xäbär agentlığı äytüençä, xärbi citäkçe Daut höcüm kiçä Helmand wilayätendä buldı dip beldergän.
NATOnıñ Äfğänstandağı tınıçlıq saqlaw köçlären cäyelderü planı nigezendä tizdän Helmandta 3300-läp britan xärbie urnaşaçaq.
Kürşe Uruzgan wilayätendä dä bäreleş buldı. Taliban süzçese äytüençä, alar berniçä amerikan xärbien ütergän. AQŞ xärbiläre süzçese operatsiä däwam itä, qorbannar sanın äytü mömkin tügeld dip belderde.
Kunar wilayätendä politsiä äytüençä xärbilär maşinası minağa yulığu näticäsendä ber äfğän soldatı hälak bulğan, bişäw yaralanğan. Qabulda yulğa quyılğan bomba ber äfğän soldatın yaraladı.
