İtaliäneñ Turin şähärendä ütüçe qışqı olimpiä uyınnarında xatın qızlar arasında 15 çaqrımlı biatlon yarışında rusiäle Svetlana İşmuratova altın medal' yawladı. Bu yarışta rusiäle Olga Pıleva kömeş, alman Martina Glagov bronza medal aldı.
Bügen Xalıqara Olimpiä komitetı tıyılğan matdälärgä, dopingqa qarşı moñarçı ütkärelgän 160-lap tikşerüdä ber sportçıda alar tabılmadı dide.
Bozda näfis şuunı bäyäläwçe Azärbäycan xäkime İrina Neçkina Olimpia xäkimnär şurasınnan çığarıldı. Bu turıda qarar kiçä ük çıqqan bulğan. Neçkina soñğı 3 yılda 4 märtäbä şeltä alğan bulğan. Xäkimnärgä şeltä xökem eşendäge zur xatalar yäki berär tarafnı yaqlağan öçen birelä.
