Accessibility links

Bäyrüttä Xäririne iskä alırğa 500 meñläp keşe cıyıldı


Bügen Livan başqalasında elekke premyer ministr Räfiq Xäririneñ üterelüenä ber yıl tulunı iskä alu cıyınında yartı millionlap keşe cıyıldı. Alar aldında çığış yasap Xäririneñ ulı Saad Livannıñ Süriä yaqlı prezidentı Emil Lähüdne wazıyfasınnan çigenergä çaqırdı. Başqa ber säyäsi citäkçe Wälid Jublatt Livan xalqı prezidentnı çigenergä mäcbür itäçäk dide. Xäririneñ üterelüennän soñ xalıqara basım näticäsendä Süriä distälärçä yıl buyı Livanda torğan ğäskärlären annan çığarırğa mäcbür buldı. Ämma Livandağı Süriägä qarşı törkemnär äle dä Süriäne Livannıñ eçke eşlärenä tıqşınuda ğäyepli. BMOnıñ äle dä däwam itüçe tikşerüe näticälärenä qarağanda Häririne üterüne Süriä iminlek räsmiläre häm alarnıñ livanlı berektäşläre oyıştırğan. Dimäşq bu ğäyepläwne kire qağa.
XS
SM
MD
LG