Accessibility links

пәнҗешәмбе, 8 декабрь 2016, Казан вакыты 23:04

Tatar däwlät yäşlär teatrında Musa Cälilgä bağışlanğan “Cırlarım” ädäbi-dramatik spektakl'' uzdı


15 fevral' könne Tatar däwlät yäşlär teatrı üzeneñ zalına tamaşaçını “Cırlarım” dip isemlängän ädäbi-dramatik spektaklenä cıydı. Bu spektakl'neñ premyerası 2-3 fevral'dä uzğan ide.

Spektakl'dä Musa Cälilneñ “Cırlarım ” “Kiçer, ilem!” häm anıñ tağın bik küp şiğerläre yañğırıy. Şulay uq anıñ tuğan yağında Orenbur ölkäseneñ Mostafa awılında 13 yäşlek Musanıñ , “Qızıl yoldız” gäzitendä dönya kürgän “Bäxet” dip isemlängän şiğere dä tamaşaçığa bäyän itelde. Spektakl'dä Musa Cälilneñ Mäskäwdäge , Qazandağı eşçänlege dä çağıldırıla. Spektakl' barışında Musa Cälil şiğerlärenä Sälix Säydaşev icat itkän “Cırlarım” cırı spektakl'neñ leytmotivı bulıp bara.

Spektakl' barışında Musa Cälilneñ obrazın 4 artist başqara. Marsel' Mäxmütov, Röstäm Ğayzullin, Ramil' Zinnatov, Fänis Kalimullin. Spektakl'neñ ssenariy rejisserı häm anı säxnägä quyuçı Fänäwil Ğaliev maqsatığız nidän ğibärät ide digän sorawğa bolay dide:

“Musa Cälil xäzerge köndä xalıq küñelendä yäşäwçe şäxes bularaq, anıñ obrazın säxnädä dä, anıñ xalıq küñelendäge obrazın gäwdäländerergä tırıştıq. Bezneñ maqsat şul ide. Musa Cälilneñ böten tormışı anıñ şuşı şiğerlärennän çağıla, häm anıñ şuşı şiğerlärennän Musa Cälilneñ xislären toyğıların bötenesen añlap bula. Musa Cälil kebek şäxeslär onıtılırğa tieş tügel , alar qabat- qabat qaytarılıp xalıq küñelenä citkerelergä tieş.”dide ul.

Spektakl'dä tarixi materiallarğa nigezlänep, Pletsenzee törmäsendä yäşeren oyışma tözep, faşizmğa qarşı köräş alıp barğanı öçen 1944 yılnıñ 25 avgustında faşistlar cäzasın xäterlätkän mizgel –küreneşkä tamaşaçı bitaraf qala almadı.

Ä tamaşaçı fikerläre bolayraq yañğıradı:

“Musa Cälilneñ patriot bulğanı bezgä mäğlüm ide, ul üzeneñ ilenä birelgän bulğan, yaxşı şiğerlär yazğan , ğömeren suğışta uzdırğan, törmälärdä utırğan, duslarına ışanıp torğan, spektakl' barışında artistlarnıñ uynawı, säxnägä quyılışı bik oşadı, bu spektakl'ne video tasmağa töşerep satsalar uqıtuçılarğa bik yaxşı material bulır ide” Tatar Yäş tamaşaçılar teatrında Musa Cälilneñ tuuına 100 yıl tuluğa bağışlanıp äzerlängän häm kürsätelgän “Cırlarım” spektaklennän soñ tamaşaçı fikerläre menä şulayraq yañğıradı.

Mälikä Basıyr,Qazan.

XS
SM
MD
LG