Accessibility links

җомга, 9 декабрь 2016, Казан вакыты 03:15

Gruziä parlamentı Könyaq Osetiädäge Rusiä tınıçlıq saqçıların çığarırğa dip tawış birde


Gruziä parlamentı Könyaq Osetiädäge Rusiä tınıçlıq saqçıların çığarıp alar urınına xalıqara köçlär urnaştırırğa digän qarar çığardı. 225 urınlı parlamentta bu mäs'äläne 179 deputat qarap xupladı häm alar xökümätne tınıçlıq saqlaw turındağı 1992-nçe yılğı kileşüne küzdän kiçerergä çaqırdı. Qararda Rusiä köçläreneñ qayçan çığarılırğa tieşlege äytelmi, alar üz yöklämälären üti almadı dielä. Moñarçı tınıçlıq saqçılarınıñ eşçänlek möddäte ike yaqtan da daimi räweştä ozaytılıp kilde. Gruziä prezidentı Mixail Saakaşvili Könyaq Osetiä belän Abxaziäne tınıç yul belän Gruziä üzäk xakimiäte qaramağına qaytaraçağın beldergän ide. Rusiä saqlanu ministrlığı süzçese Vyaçeslav Sedov Rusiä tınıçlıq saqçıları 1992-nçe yılğı kileşü nigezendä eşlären däwam itäçäk dide, şul uq waqıtta bu mäs'älä barlıq xoquqıy protseduralarğa turı kiterep qaralırğa tieş dip isäpläwen belderde.

XS
SM
MD
LG