Accessibility links

чәршәмбе, 7 декабрь 2016, Казан вакыты 17:41

Yewropa Möxämmät päyğämbär karikaturalarına protest çaralarında köç qullanuğa borçılu belderä


Yewropa Komissiäse prezidentı Jose Manuel Barroso Möxämmät päyğämbär karikaturalarına tınıç protestlar qabul itelerlek bulsa da, köç qullanular Yewropa belän İslam dönyası arasındağı mönäsäbätlärgä zıyan kiterä dide. Strassburgta Yewropa Parlamentında çığış yasap Barosso "Süz irege Yewropa qimmätläreneñ häm traditsiäläreneñ ber öleşe. Süz irege turında satulaşu mömkin tügel. Barlıq irekleklär kebek ük anıñ saqlanuı keşelärneñ annan cawaplılıq belän faydalanuına bäyle" dide. Barosso süz iregeneñ çikläre bar häm ul çiklär Yewropa Berlege qanunnarında bilgelänä dide. Karikatura cäncalın kimetü öçen diplomatik tırışlıqlarğa qaramastan, Paqstanda meñnärçä keşe protest çaraların bügen dä däwam itte. Politsiä äytüençä, 3 keşe ülgän, 45 keşe yaralanğan. Filipin başqalası Manilada möselmannar Daniä konsullığı qarşında Daniä älämen yandırdı.

XS
SM
MD
LG