Accessibility links

якшәмбе, 4 декабрь 2016, Казан вакыты 11:18

Qazax opozitsiäse citäkçese Sarsenbayevnıñ ülemen FBİ tikşeräçäk


Almatada Qazaxstan eçke eşlär ministrı Baurjan Möxämätcanov kürenekle opozitsiä citäkçese Altınbäk Sarsenbaevnı üterü eşen tikşerüdä AQŞ Federal' tikşerülär idaräse FBİ da qatnaşaçaq dip belderde. Sarsenbayev kiçä Almatada cirlände. Möxämätcanov äytüençä, üterü eşendä berniçä mömkinlek tikşerelä häm härber mömkinlekne ayırım törkemnär tikşerä. Möxämätcanov bu cinayät eşen çişärgä yardäm itäçäk mäğlümät öçen 10 million dollar büläk wäğdä itte. Sarsenbayev Çın aq yul partiäse räistäşläreneñ berse ide. Sarsenbaevnıñ, anıñ tän saqçısınıñ häm maşina yörtüçeseneñ mäyetläre düşämbe könne Almata yanında tabıldı. Alar atıp üterelgän. Opozitsiä aktivistları bu üterüdä xakimiätlärneñ qulı bulğan di. Räsmilär isä säyäsi üterü mömkinlegen kire qağa.

XS
SM
MD
LG